Prentaravinarlig
Webstað
FHS
(Fyrisiting, Handil og Skrivstova)
FHS er ein útbúgving, ið tekur eitt ár. Fyri at verða tikin upp á FHS-útbúgvingina krevst, at tú hevur lokið 9. flokk (ella hevur samsvarandi kunnleikastøði).
FHS er ein støðisútbúgving, sum skal geva tær eina grundleggjandi vitan, sum kann nýtast, um tú fert undir eina 3 ára skrivstovu- ella handilsútbúgving.
FHS-prógv er eisini ein fortreyt fyri at fara undir eina 2 ára HH-útbúgving. Um tú ætlar at halda fram á HH, so er tað eitt krav, at tú hevur staðið støddfrøði á C-stigi ella 2. fremmandamál (t.d. týskt) á C-stigi á FHS.
Tað er ikki krav, at tú alt fyri eitt heldur fram í HH eftir FHS-støðisárið. Næmingar hava viðhvørt ein steðg í eitt (ella nøkur ár) fyri at vinna pening, ferðast, búnast ella okkurt annað.