Prentaravinarlig
Webstað
Lærugreinir
Grund-, val-, økislærugreinir og evnisskeið
Á FHS eru grundlærugreinirnar 910 tímar um árið. Tú skalt harafturat velja vallærugreinir og/ella økislærugreinir, so at árliga tímatalið hjá tær verður umleið 1.200 tímar. Hetta er um 34 tímar um vikuna.
Fleiri av lærugreinunum kennir tú frá fólkaskúlanum so sum føroyskt, enskt, týskt og støddfrøði. Tó eru lærugreinirnar á einum hægri støði enn í fólkaskúlanum. Aðrar lærugreinir kennir tú kanska ikki, t.d. virkisbúskap og marknaðarførslu.
Í virkisbúskapi lærir tú um grundleggjandi virkisbúskaparlig hugtøk, mannagongdir og arbeiðshættir innan bókhald; t.d. at gera bókingar, at seta einfaldar roknskapir upp og at greina roknskapir og annað.
Í marknaðarførslu fært tú grundleggjandi kunnleika til marknaðarviðurskifti og samspælið millum fyritøku og brúkara. Lært verður um brúkaraviðurskifti, kappingarviðurskifti, málbólkar, marknaðarførslu, marknaðarkanningar, lóggávu og sølu-, og goymslustýring.
Á FHS er eisini møguleiki at velja vallærugreinir (uml. 290 tímar): Vallærugreinirnar eru Týskt, Spanskt, Støddfrøði, Dekoratión og Íverksetan.
Visuel marknaðarførsla og Íverksetan eru lærugreinir, har næmingurin m.a. fær høvi at royna síni kreativu evni. Í Visuellari marknaðarføring er m.a. uppseting av handilsvindeyga og litlæra á skránni. Í Íverksetan verður m.a. arbeitt við at menna eitt vøruhugskot og tilrættaleggja framleiðslu, fíggjarætlan og marknaðarføring av hugskotinum.
Tímayvirlit:
|
Lærugreinir |
Tímar |
|
Grundlærugreinir |
|
|
140 |
|
|
140 |
|
|
140 |
|
|
140 |
|
|
210 |
|
|
140 |
|
|
Vallærugreinir |
|
|
140 |
|
|
140 |
|
|
140 |
|
|
175 |
|
|
140 |
|
|
Íverksetan |
140 |
Økislærugreinir
Umframt grundlærugreinir og vallærugreinir kanst tú velja at hava økislærugreinir. Økislærugreinir eru lærugreinir, sum skulu rúmka um og samanbinda grundlærugreinirnar. Økislærugreinirnar eru 35 ella 70 pultstímar um árið. Dømi um økislærugreinir eru: Grafisk framløga, Sálarfrøði og tænasta, SIMU og Ferðavinna.
Evnisskeið
Ein partur av undirvísingini á FHS er fasta evnisskeiðið. Næmingarnir skulu loysa eina ítøkiliga uppgávu, sum er tvørfaklig. Dentur verður lagdur á, at næmingarnir duga at samstarva. Eitt skrivligt avrik verður latið inn.