Størv

Deildarstjóri til Føroya Handilsskúla á Kambsdali


Hevur tú hug at standa á odda fyri deildini Føroya Handilsskúli á Kambsdali, virka fyri góðum arbeiðsumhvørvi og hevur hugsjónir um framtíðar vinnuútbúgvingar, so eigur tú at bjóða teg fram.

Starvið sum deildarstjóri á Føroya Handilsskúla á Kambsdali er leyst at søkja.

Starvið
Sum deildarstjóri hevur tú undir ábyrgd av stjóranum á Føroya Handilsskúla dagligu fíggjarligu, umsitingarligu og námsfrøðiligu leiðsluni av Føroya Handilsskúla á Kambsdali. Deildarstjórin skal í tøttum samstarvi við stjóran á Føroya Handilsskúla tryggja, at útbúgvingarnar verða framdar samsvarandi galdandi reglum, at undirvísingarligu viðurskiftini í skúlanum eru í lagi, og at fíggjarætlanin fyri skúlan verður hildin.

Umsøkjarin
Tú hevur viðkomandi hægri útbúgving og leiðsluroyndir. Royndir innan útbúgvingarøkið er ein fyrimunur, men ikki treyt. Tú dugir væl at leiða og at skapa eldhuga hjá starvsfólkunum, at fylgja settum málum og støðugt at taka við nýggjum avbjóðingum. Tú ert álítandi og álitisvekjandi og hevur góð evni at samstarva og samskifta.

Setanarviðurskifti
Starvið verður sett skjótast gjørligt. Starvið er lønt samsvarandi avtalu millum Lærarafelag Handilsskúlans og Fíggjarmálaráðið. Mánaðarlønin er kr. 40.798,97 umframt kr. 6.446,24 í eftirlønargjaldi. Tann, ið settur verður, má tola broytingar í starvsviðurskiftunum í sambandi við møguligar bygnaðarbroytingar á miðnámsskúlaøkinum.

Umsóknin
Tú kanst fáa meira at vita um starvið við at venda tær til Jóhonnu á Bergi, forkvinnu í stýrinum fyri Føroya Handilsskúla, tlf. 549000.


Umsókn við lívsreynsli og viðkomandi prógvum skal verða Føroya Handilsskúla í hendi í seinasta lagi 5. mars 2012. 

Umsóknin verður stílað til:

Føroya Handilsskúli
Marknagilsvegur 77
Postsmoga 177
110 Tórshavn
Att.: Stýrið

ella sum teldupostur til adressuna hsh@hsh.fo

 

Kalendari

« Februar 2012 »
30
31
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
1
2
3
4

Tíðindi

Starvslýsing eftir deildarstjóra
02/02 2012, 10:05
Nú er møguleiki fyri at søkja starv sum deildarstjóri ...
Verkætlan hjá HH'arum
30/01 2012, 14:08
23-27 feb. arbeiddu HH-næmingarnir við eini kt-verkætlan. ...
9. floks vitjanir
26/01 2012, 09:51
Hvørt ár hava Handilsskúlin og Studentaskúlin á Kambsdali ...