Hvørt ár hava Handilsskúlin og Studentaskúlin á Kambsdali vitjan av 9. floks-næmingum frá skúlunum í nærumhvørvinum. Vit seta eina viku av til vitjaninar. Endamálið við vitjanunum er at kunna næmingarnar um báar skúlarnar, og hvussu miðnámsskúlaútbúgvingarnar eru settar saman, og hvørjar lærugreinar eru. Hetta skal gera tað lættari hjá næmingunum at velja skúla, og at velja rættan skúla, sum lýkur krøvini til framtíðar útbúgvingina.

Næmingarnir sum vitja, koma frá skúlanum við Løkin, Tofta skúla, Stranda skúla, skúlanum við Ósánna, skúlanum við Ziskatrøð, Felagsskúlanum á Oyrabakka, og úr Fuglafjarða skúla.